२०८१ जेठ ९, बुधबार

डोजरया बकेटं नका वडाध्यक्षया हत्या

लहानान्युज | बछलागा ११४१ द्वितिया, असार १२ शनिबाः

सर्लाहीया ईश्वरपुर नगरपालिका वडा नं. ३ या वडाध्यक्ष सूर्यकुमार श्रेष्ठया वंगु चान्ह्य् हत्या जूगु दु।

प्रहरीया कथं वडाय् दूगु मुखलाल दास पुखुया सौन्दर्यकलाया निरीक्षण यायेत झाम्ह वडाध्यक्ष श्रेष्ठया डोजरया बकेटं नका स्याःगु खः । पुखु निरीक्षणया भ्mवलय् विवाद जुइवं ५५दँया श्रेष्ठया हत्या जूगु प्रहरीं न्ह्यथंगु दु

जेसीभीया ठेकेदार प्रेम दाहाललिसें श्रेष्ठ पुखुया निरीक्षणया निति अन थ्यंगु खः । बजि नय्गु इलय् जेसीभीया चालक हर्कबहादुर तामाङ व वडाध्यक्ष दथुई विवाद ब्वलंगु खः । व लिपाः पुखु दयेकाच्वंगु थासय् थ्यंगु खः । विवाद लिपाः आक्रोशित चालक श्रेष्ठं छ्यने व छातीइ जेसीभीया बकेटं कयेका हत्या याःगु नगरपालिकाया मेयर मनोज देवकोटां धाल । वय्कया कथं वडाध्यक्ष श्रेष्ठयात स्याय् धुंका जमिनय् ल्हाका तामाङ बिस्युंवंगु खः । प्रहरीं दाहाल व चालक तामाङया ज्वंगु दु 

श्रेष्ठया सीम्ह धाःसा चान्ह्य् जिल्ला अस्पताल मलंगवा यंकूगु दु ।

Categorized in अपराध