क्यारेबियन देय् डोमिनिकन रिपब्लीकय् निजी विमान दुर्घटना जूबलय् ९ म्ह सीगु दु ।

डोमिनिक रिपब्लीकया राजधानी सान्टो डोमिन्गोपाखें अमेरिकाया फ्लोरिडाया नितिं ब्वःगु विमानय् समस्या वयेधुंका आपत्कालिन अवतरणया झ्वलय् दुर्घटनाय् लाःगु खः ।

‘ला इजाबेला’ एयरपोर्टं ब्वःगु १५गू मिनेटय् हे विमानय् समस्या वयेधुंका लिक्कसंया ‘लास अमेरिकाज’ एयरपोर्टय् अवतरणया कुतः याःगु खः । उगु हे झ्वलय् दुर्घटना जूबलय् ६म्ह विदेशी लिसें छम्ह डोमिनिकन यात्रु व चालक दलया निम्ह दुजः मदूगु वायुसेवा कम्पनी हेलीडोसा एभिएसन ग्रुपं न्ह्यथंगु दु ।

सीपिं ६ म्ह विदेशी यात्रुतये राष्ट्रियता व म्हसिका ध्वाथुइकुगु मदु ।

Categorized in अन्तर्राष्ट्रिय