२०८० चैत्र १५, बिहिबार

तः भुखायया लुमन्तिं माई लभ संकिपा क्यनेज्या जुल

लहनान्युज | बछलाथ्व द्धादशी ११३८ (अप्रिल २७ २०१८)

नेपालय् ब्वःगु २०७२ बैशाख १२ गते तः भुखाय व उगु भुखाचं मदुपिनिगु लुमन्तिं  जापानया टोकियो शहरय् माई लभया संकिपा विशेष क्यनेज्या जुगु दु । उगु संकिपा क्यने न्ह्यः न्यागू मिनेत मौन धारण यासे ज्याझ्वः न्ह्याकुगु खः ।
 
 
ज्याझ्वलय् अवैतनिक महाबाणिज्य दुत कुनियो ईमानिशी झायादिगु खःसा अथे हे जापानया विशेष व्यक्तिपिं, नाप नेपाःया बिशिष्टं ब्यक्तिपिं न उपस्थिति दुगु खः ।
 
 
थुगु संकिपाया निर्देशक डा.तोशिआकी इतोह खः । थ्व हे अप्रिल २८ तारिखय् जापानया नितिं नेपाली राजदुत लिसें जापानय् च्वनाच्वंपिं नेपाःमित व नेपालीतय्गु मंकाः संस्था हातेमालोया दुजःपिन्सं ग्राण्ड शो यायेत्यंगुु दु ।
 
उगु संकिपालय् नेपाली कलाकात गणेश लामा, रिवोन मिजुथानी, थासाका, हायाता म्हितादिगु दुसा वयकःपिं थ्व इलय् जापान भ्रमणय दी । 
 
 
Categorized in मनोरन्जन