तत्काल सभामुखया निर्वाचन जुइगु अवस्था मदु : नेता गुरुङ
सत्तारुढ दल नेपाल कम्युनिष्ट पार्टी (नेकपा) या प्रमुख सचेतक देवप्रसाद गुरुङं तत्काल सभामुखया निर्वाचन जुइगु अवस्था मदु धका धयादिगु दु ।
 
 
प्रमुख सचेतक गुरुङं छगु हे दलया सभामुख व उपसभामुख जुइ मदइगु  धका सर्वाेच्च अदालतय् दायर याना तःगु मुद्दा विचाराधीन दुगुलि सभामुखया निर्वाचनबारे टीकाटिप्पणी याये मिले मजु धका न धाःगु दु ।
 
 
सभामुख व उपसभामुख निगुलि पद खाली जुलकि दल दथुइ सहमतिया आधारय् उम्मेदवार तय याना निर्वाचन यायेफइगु प्रमुख सचेतक गुरुङं धयादिगु खः ।
 
 
प्रमुख सचेतक गुरुङं सभामुखया निर्वाचन यायेगु अवस्था हे मदुगु ई तक सु न मनूख दावी यायेगु  छु हे औचित्य मदु धका न धयादिगु खः ।
 
Categorized in राजनीति