२०८० चैत्र १६, शुक्रबार

ताम्रकार फुटसल जुइगु

लहनान्युज | यंलागा चौथी ११३९ (सेप्तेवर १८ २०१९)

ताम्रकार समाजया ग्वसालय् प्यक्वःगु संस्करणया ताम्रकार फुटसल जुइ त्यःगु दु । 
 
 
थुगु कासा थ्व हे वइगु असोज ४ गते शनिवाः व असोज ११ गते शनिवाः निन्हुयंकं जुइगु त्यःगु खः  । सानेपाय् च्वंगु फिल्ड फुटसलय् उगु कासा जुइगु समाजं छगु पत्रकार सम्मेलनय् थथे
जानकारी बिउगु खः ।
 
 
प्यक्वःगु संस्करणया कासा थापाथलीया ट्रेड टावरय च्वंगु ‘द ब्रिटिस कलेज’या मुख्य प्रायोजनय् जुइत्यंगु खः । कासाय् ब्वति काइगु टिमयात च्यागू थीथी कम्पनी व उद्योगं प्रायोजन याःगु दु । प्रायोजन याःगु कम्पनीया हे नामं टिमया नां कायम यानातःगु दु ।
 
 
कासाय् ख्वीम्ह स्वयां अप्वः कासामिया सहभागिता दइ ।
 
करुणामय मेटल क्राफ्ट लिपांगु संस्करणया विजेता खःसा कासाय् विजयी जूपिंसं ट्रफी, मेडल, नगद सिरपाः प्राप्त याइसा कासाया निंतिं मुक्कं प्यंगूत्या लाख खर्च जुइगु अनुमान याःगु दु ।
 
 
समाजया युवा तथा खेलकुद उपमितिया ग्वासलय् जुइगु कासाय् प्रायोजक कम्पनीपाखें ब्वति काइपिं कासामिया छनोट, जर्सीया वितरणया ज्या क्वचायेधुंकूगु दु । कासाया झ्वलय् अण्डर १४, मिसा व भेट्रान टिमया दथुइ नं प्रतिस्पर्धा जुइ ।
 
 
 
 
Categorized in कासा