ताम्रकार समाजपाखें दसीपौ लःल्हात
लहनान्युज | बछलाथ्व त्रयोदशी ११३८ (अप्रिल २८ २०१८)
ताम्रकार समाज यलया ग्वसालय् मूपाहाँ यल महानगरपालिकया मेयर चिरिबाबु महर्जनं थी थी तालिम ज्याझ्वलय् ब्बति का पिन्त दसीपौ लःल्हाना दिगु दु ।
उगु ज्याझ्वलय् यल महानगरपालिकया मेयर महर्जनं स्थानीय समुदाय महानगरया तःधगु आधारशिला जुगु धयादीसें निति नियम, ऐन कानूनया अभावं स्थानीयतहया चाहे जुया नं ज्या याये मफया च्वंगु नाप मागु कानून दयेका विकास, निर्माणंया ज्याय् गति काइ धका न धयादीगु खः ।
उगु ज्याझ्वलय् समाजया अध्यक्ष रविन्द्र राज ताम्रकारं जनतां आतक स्थानीय निकाय जनप्रतिनिधि दुगु धका अनुभुति काये मफया च्वंगु महानगरपालिकां स्थानिय समुदायया विश्वास कया न्ह्यने वने माःगु बिचाः तयादीगु खः ।
अथेहे यल महानगरपालिकाया २४ नं. वडा अध्यक्ष नाप सामाजिक विकास समितिया संयोजक दिनेश कार्की, प्रशिक्षकपि राजभाई जकःमि, रोशन नविन ताम्रकार, गीता क्षेत्री, समाजया शिक्षा संयोजक प्रवल ताम्रकार पिन्स थःगु अनुभव न कनादीगु खः।
समाजया ग्वसालय् प्रभावकारी वतृत्व कला व न्वचु तालिम, एकाउन्टीङ्ग सफ्टवेयर ट्याली तालिमयाना मुक्क ३४ म्ह प्रशिक्षार्थी पिनिगु ब्बति दुगु खः ।
उगु ज्याझ्वलय् समाजया झींस्वम्ह जेहन्दार नाप आर्थिक स्थिति कमजोर जुपिन्त नीगु लाख बराबरया छात्रवृत्ति लःल्हागु खः ।