२०७९ आषाढ १४, मंगलबार

त्रिभुवन विमानस्थलय् ३३३ ग्राम लुँ नाप छम्ह बंगलादेशी नागरिकयात ज्वंन

लहनान्युज | थिंलागा पारु ११४२, पुष ५ सोमवाः

प्रहरीं त्रिभुवन अन्तर्राष्ट्रिय विमानस्थलय् करीब ३ सय ३३ ग्राम लुँ नाप छम्ह बंगलादेशी नागरिकयात ज्वंगु दु।

बंगलादेशी नागरिक राहदानी नम्बर ईएन ०९८७८१ बाहक ३५ दँ दुम्ह अस्राफुल इजलामयात प्रहरी ज्वंगु खः। हिमालयन एअरलाइन्सया उडानय् येँ बंगलादेश वनेत्यम्ह विमानस्थलय् प्रहरीं ह्याण्ड व्यागेजय् जाँच यायेगु झ्वलय् ज्वंगु खः।

प्रहरीं वयाके म्हासूगु धातुया बिस्कुट निकू व १ सय ग्रामया चेनरोल छगु नाप ३ सय ३३ ग्राम लुँ बरामद याउगु खः। वयात आवश्यक अनुसन्धान व कारबाहीया लागि विमानस्थल सुरक्षा कार्यालय गौचरय् छ्वंगु दु।

Categorized in अपराध