त्रिशूली खुसीइ ट्रक कुथु वना निम्ह सित
लहनान्युज | दिल्लाथ्व तृतिया ११३९ (जुलाइ ४ २०१९)
सर्लाहीपाखे येँ वया च्वंगु मालबाहक ट्रक त्रिशूली खुसीइ कुथु वना निम्ह सिगु दुसा छम्ह घाइते जुगु दु ।
ना ७ ख ६७६५ नम्बरया उगु आपा ज्वना वया च्वंगु ट्रक थौं सुथय् पृथ्वी राजमार्ग अन्तर्गत चितवनया इच्छाकामना–३ चुम्लिङटार नापन्तु त्रिशूली खुसिइ अथे दुर्घटना जुगु खः ।
उगु दुर्घटनाय् लाना ट्रक चलेयाना वया च्वम्ह बालकृष्ण यादव व ट्रक साहु रविकान्त यादव सिगु खः ।
दुर्घटनाय् लाना घाइते जुम्हसित भरतपुर अस्पताल वासः याकाच्वंगु दु ।
