थःगु स्वास्थ्य अवस्था सामान्य जूगु प्रधानमन्त्रीया धापू
लहना न्यूज | ने.सं. ११३९ गुंलाथ्व द्वादसि (१२ अगष्ट, २०१९), सोमवाः
सिंगापुरय् स्वास्थ्य परीक्षण यानाः प्रधानमन्त्री केपी शर्मा ओली थौं नेपाः लिहां झायादीगु दु ।
प्रधानमन्त्री ओली थाई एअरवेजपाखें न्हिनसिया जःछि वंकाः झिंनिताः इलय् येँय् थ्यंकादीगु खः ।
सिंगापुरया नेशनल युनिभर्सिटी अस्पतालय् यानादीगु नियमित परिक्षणपाखें प्रधानमन्त्री ओलीया स्वास्थ्य अवस्था सामान्य जूगु वय्कःया निजी सचिवालयं न्ह्यथंगु दु । नियमित स्वास्थ्य परीक्षणया नितिं प्रधानमन्त्री ओली वंगु १८ गते सिंगापुर झायादीगु खः ।
भारतया दिल्लीइ च्वंगु ईन्द्रप्रस्थ अपोलो अस्पतालय् १२दँ न्ह्यः जलास्येँया प्रत्यारोपण यानादीम्ह प्रधानमन्त्री ओलीया ६दँतक ल्हातीइ संक्रमण जूगु खः । दिल्ली व थाइल्याण्डय् ताःईतक वासः यायेधुंकाः संक्रमण लनावंगु खः । ओलीं सिंगापुर, दिल्ली व थाइल्याण्डय् निरन्तर वासः याका वयाच्वनादीगु दु ।
थ्व हे दथुइ येँय् थ्यनेवं ट्वीट यानादिसें प्रधानमन्त्री ओलीं थःगु स्वास्थ्य अवस्था सामान्य दुगु धयादीगु दु । वय्कलं स्वास्थ्य परीक्षणय् दुथ्याःपिं चिकित्सक नापं भिं उसाँयया नितिं कामना यानादीपिन्त आभार तकं प्वंकादीगु दु ।
Categorized in राजनीति
