थथेंया नितिं माधव पक्षं राजीनामा मबिइगु
कछलाथ्व द्धितीया ११४१,बैसाख ३० बिहीवाः
नेकपा एमाले दुनेया कचंव अप्वःयाच्वंगु ईलय् थौं एमाले नायः एवं प्रधानमन्त्री केपी शर्मा ओली व एमाले वरिष्ठ नेता माधवकुमार नेपाल नापलाना दिगु दु ।
येँया चपली हाइटय् च्वंगु छगू मिडिया संचालकया छेँ प्रधानमन्त्री ओली व नेता नेपाल दथुई जूगु सहलह सकारात्मक जूगु धाःगु दु । स्वघौ सिबें अप्वःतक्क न्ह्याःगु उगु वार्ता लिपाः एमाले वरिष्ठ नेता नेपालं थथेंया नितिं थःपिन्सं राजीनामा मबिइगु धयादिल ।
पत्रकार दथुई खँल्हासें नेता नेपालं निन्हू÷स्वन्हूया नितिं राजीनामा बिइगु ज्या दिउगु व आः कार्यदल निस्वनेगु धयादिल । माधव नेपाल पक्षया सुंसुं सांसदपिनिगु राजीनामाया अल्टिमेटम बियाच्वंगु ईलये ओली व नेपाल दथुई भेटवार्ता जूगु खः ।
थ्वयां न्ह्यः थौं हे सुथय् प्रधानमनत्री निवास बालुवाटारय् च्वंगु एमाले स्थायी समितिया मुँज्यां नेता नेपाललिसें प्यम्ह नेतापिन्त याःगु कारबाही लितकाःगु खः ।
Categorized in राजनीति
