थप १००म्हेसित कोरोना संक्रमण
लहनान्युज | गुंलाथ्व द्धितीया ११४०,साउन ७ बुधवाः
वःगु २४ घण्टाय् थप १०० म्हेसित कोरोना भाइरसया संक्रमण पुष्टि जूगु दु । अथेहे कोरोना संक्रमितपि निम्ह सीगु दु ।
स्वास्थ्य तथा जनसंख्या मन्त्रालयया कथं देय् यकंया प्रयोगशालाय् ३७७९म्हसिगु नमुना परीक्षण याःगु खः ।
मन्त्रालयया कथं दकलय् अव सप्तरीइ १८म्हेसित कोरोना संक्रमण पुष्टि जूगु दु । अथेहे दैलेखय् १६म्ह, डोटी व लमजुङय् ७ म्ह, कालीकोट व पर्साय् खुम्ह खुम्ह, धनुषाय् न्याम्ह व सुनसरीय् प्यम्हेसित संक्रमण पुष्टि जूगु दु ।
येँ, मोरङ, ताप्लेजुङ, बारा, सर्लाही, स्याङ्जा, बाग्लुङ, बाँकय् स्वम्ह स्वम्ह, बर्दिया व सल्यानय् निम्ह निम्ह व चितवन व बझाङय् छम्ह छम्हेसित कोरोना संक्रमण पुष्टि जूगु धका स्वास्थ्य मन्त्रालयं धाःगु दु ।
थ्व नाय नेपालय् कोरोना संक्रमितपि १८ द्धः व ९४म्ह थ्यःगु दु । उकि मध्ये ४२म्ह सी धूकुगु दु । १२ द्धः व ६८४म्ह वासः याका छेँय् लिहा वने धुकुगु दु । वःगु २४ घण्टाय् २०७म्ह डिस्चार्ज जूगु दु ।
