थप २० म्हेसित कोरोना संक्रमण
नेपालय् थप २० म्हेसित कोरोना भाइरस (कोभिड(१९) संक्रमण पुष्टि जुगु दु । थ्व नाप संक्रमित जसुपिनिगु ल्याः ५०७म्ह थ्यःगु दु ।
 
स्वास्थ्य तथा जनसंख्या मन्त्रालयया कथं डडेलधुरा व वैतडीइ न संक्रमण खनेदुगु दु । डडेलधुराया पराशुराम १० या २८ दँया मिजं व वैतडीइ शिवनाथ १ या २२ दँया मिजंयात कोरोना संक्रमण पुष्टि जुगु दु ।
 
थ्व नाप कैलालीइ न स्वम्हसित संक्रमण पुष्टि जुगु दु । जानकी गाउँपालिकाया सरस्वती माविया क्वारेन्टाइनय् च्वपि १९, २३ व २६ दँया मिजंपिन्त संक्रमण पुष्ट जुगु दु ।
 
अथेहे बाँकेय् १४ म्हेसित संक्रमित खनेदुगु दु । इपि १८ निसे ६१ दँया मिजंपि खः । इपि १८ दँनिसे राप्ती सोनारीया खःसा मेपि १३म्ह नरैनापुरयापि खः।
 
थ्व नाप मोरङया रतुवामाई २ या छम्हेसित संक्रमण खनेदुगु दु ।