थप ९म्हेसित कोरोना पुष्टि, संक्रमितपि ५१६ थ्यःन
लहनान्युज | बछलागा आमै ११४०,जेष्ठ ९ शुक्रवाः
थप ९म्हेसित कोरोना भाइरस (कोभिड(१९) संक्रमण पुष्टि जुगु दु । थ्व नाप आः नेपालय् कोरोना संक्रमितपि ५१६म्ह थ्यःगु दु ।
थौं शुक्रवाः बारा, सप्तरी, मकवानपुर व ख्वपय् याना ९ म्ह न्हुपि संक्रमितपि थपे जुगु दु ।
स्वास्थ्य तथा जनसंख्या मन्त्रालयया कथ बारा सिमरनगढ नगरपालिकाय् च्वपि २२, २७, ३०, ३४, ३८ व ४५ दँयापि खुम्ह मिजंपिन्त कोरोना पुष्टि जुग दु ।
अथेहे, सप्तरीया बलान बिहुल गाउँपालिकाया ३५ दँया मिजं, ख्वपया ख्वप नगरपालिका ९ या ४२ दँया मिसा व मकवानपुर हेटौंडा उपमहानगरपालिका ३ या ५४ दँया मिसायात कोरोना पुष्टि जुगु दु ।
