थिमि मेयरयात पत्रकार दबुया पदाधिकारी नाप ला
नृपेन्द्रलाल श्रेष्ट बछलागा चौथी ११३८ (मे ४ २०१८)
नेवाः पत्रकार राष्ट्रिय दबूया केन्द्रीय पदाधिकारी नापं थिमिया पत्रकार दबूया दुजःपिन्सं शुक्रवाः मध्यपुर थिमि नगरपालिकाया मेयर मदनसुन्दर श्रेष्ठयात स्वास्थ्य अवस्थाया जाकारीकासें भिं उसाय्या कामना यानादीगु दु ।
थिमिइ जूगु पत्रकार दबूया केन्द्रीय सचिवालय मुँज्या लिपा वंगु बैशाख ८ गते अज्ञात मनूतय्गु सांघातिक आक्रमणं घाःपाः जूम्ह मध्यपुर थिमि नगरपालिकाया मेयर मदनसुन्दर श्रेष्ठया स्वास्थ्य स्थितिया बारे थुइकेगु नितिं अनया कोरिया मैत्री अस्पतालय् वना नापलानादीगु खः ।
वय्कः खतरामुक्त अवस्थाय् दु । प्रहरीं मेयर श्रेष्ठयात आक्रमण याःपिं न्याम्ह मनूत ज्वने धुंकूगु दुसा मेपिं मालेगु ज्या जुयाच्वंगु दु । प्रहरीं अनुसन्धान जारी दु धकाः जानकारी बिउगु दु ।
थ्व हे दथुइ आक्रमणकारीयात ज्वना कारवाही यायेमाःगु मागयासें स्थानीयवासीतगु भेला शनिवाः थिमिइ जुइत्यंगु दु
