थीथी ज्याझ्वःयाना ओलम्पिक दिं हनिगु
लहनान्युज | तछलाथ्व द्धादशी ११३९ (जुन १४ २०१९)
अन्तराष्ट्रिय ओलम्पिक दिवसया सच्छि स्वया अप्वा ज्याझ्वः याना माने याये त्यःगु दु ।
नेपाल ओलम्पिक कमिटि अन्तर्गतया स्पोर्ट्स फर अल कमिसन नेपालं छगु पत्रकार सम्मेलन यासे ’ओलम्पिक डे’ या लसताय सच्छि व १६ गु ज्याझ्वः जुइगु जानकारी बिगु दु ।
ओलम्पिक स्थापन जुगु दिंयात लुमकां ओलम्पिक डे जुन २३ (असार ८ ) यात लुमका थथे ज्याझ्वः याये त्यःगु खः । नेपालय् जेठ ३२ निसे असार ८ गते तक थीथी ज्याझ्वः यासे हने त्यःगु खः ।
ओलम्पिक डे जेठ ३२ गते साइकर्ल याली यान न्ह्याइगु खसा असार ८ गते लगनख्यलय् सैनिक शारीरिक तालिम व खेलकुद केन्द्रय् थीथी ज्याझ्वः याना समापन याइगु धका पत्रकार सम्मेलनयु धाःगु खः ।
