थीथी शोक प्रस्ताव पारित याना प्रतिनिधि सभा बैठक क्वचाल
लहनान्यूज | सिल्लागा द्धादशी ११४१, फागुन २६ बुधवाः
शोक प्रस्ताव पारित याना थौंया प्रतिनिधि सभा बैठक क्वचाःगु दु । थीथी तिथिइ सीपिं सांसद, पूलाँपिं सांसद, सभासद् लिसें राष्ट्रियसभाया दुजःपिनिगु शोक प्रस्ताव पारित याना गर्दै क्वचाःगु खः ।
बैठकय् सभामुख अग्नि सापकोटां वर्तमान सांसद सानु शिवा, सूर्यबहादुर केसी लगायत संविधानसभा दुजः व पूलाँपिं राष्ट्रियसभाया दुजःपि सीपिनिगु शोक प्रस्ताव न्ह्यब्वादीगु खः ।
उगु प्रस्तावयात बैठकं सर्वसम्मत पारित याःगु दु । थौंया बैठकय् थीथी न्हेगू अध्यादेश न्ह्यब्वयेगु कार्यसूची तय जुसां नं शोक प्रस्तावया कार्यसूची जक न्ह्यब्वःगु खः । प्रतिनिधिसभाया मेगु बैठक चैत ३ गते बुधबाः न्हिनसिया १ ताःईलय् च्वनि ।
थ्वहेदथुई थौं नं प्रधामन्त्री केपी शर्मा ओली प्रतिनिधिसभाया बैठक न्ह्याय् न्ह्यः हे संसद भवनपाखें पिहाँवंगु खः ।
थ्वसियान्ह्यः आइतबार नं प्रधानमन्त्री ओली लिबाक्क बैठक न्ह्याइगु जुइवं बैठक न्ह्याय् न्ह्यः हे संसद भवनपाखें पिहाँवंगु खः ।
सर्वोच्च अदालतं प्रतिनिधिसभा पुर्नस्थापना यायेधुंका न्हापांखुसी आइतबाः च्वंगु बैठक क्वछिनातःगु ई सिबें छघौ लिबाक्क न्ह्याःगु खः ।
