२०८० चैत्र १५, बिहिबार

थुगुसीया ग्रान्ड स्लाम टेनिसय् एण्डी मरे न्हापांखुसी हे पिहाँवनेमाल

गुंलागा नवमी ११४१, भाद्र १५ मंगलवा

थुगुसीया लिपांगु ग्रान्ड स्लाम टेनिस धेंधें बल्लाः युएस ओपन न्ह्याःगु दु । अमेरिकाया न्युयोर्कया् न्ह्याःगु धेंधें बल्लाःया न्हापांगु चरणय् हे ब्रिटिश कासामि एण्डी मरे बुत ।
 
मरेयात ग्रिसया स्वंगूगु वरियताया कासामि अलेक्जेण्डर सित्सीपासं ३–२ या सेटय् बुकूगु खः । मरे विरुद्धया कासा सित्सीपासं ६–२, ६–७, ६–३, ३–६ व ६–४ लिं त्याकल ।
 
थुगुसीया युएस ओपन टेनिस धेंधें बल्लाखय् नोभाक जोकोभिचयात तसकं च्यूताः तयाः स्वयाच्वंगु दु । सदाबहार प्रतिद्वन्दीत रोजर फेडेरर व रफाइल नदालया अुनपस्थितीइ जोकोभिचयात थुगुसीया उपाधिया मुख्य दावेदार कथं कयातःगु दु ।
 
सर्वियन टेनिस स्टार जोकोभिचं करियरय् आःतक्क २० ग्राण्ड स्लाम टेनिसया उपाधि त्याकेधुंकूगु दु । थ्व उपाधि त्याकूसा वय्कलं दक्कले अप्वः ग्राण्ड स्लाम त्याकूपिं फेडेरर व नदालया २१ ग्राण्डस्लामया किर्तीमानया ज्वलिंज्वः याइ ।
Categorized in कासा