२०८० चैत्र १६, शुक्रबार

थुगुसीया युएस ओपन टेनिसया उपाधि रुसया मेदवेदेभयात

ञंलाथ्व सप्तमी ११४१, भाद्र २८ सोमवाः

थुगुसीया युएस ओपन टेनिसया उपाधि रुसया डानिल मेदवेदेभं त्याकूगु दु ।
 
अमेरिकाया न्यूयोर्कय् जूगु फाइनल कासाय् सर्वियाया नोभाक जोकिोभिचयात ३–० या तप्यंगु सेटय् बुका मेदेवेदेभं थःगु करियरया न्हापांखुसी ग्राण्डस्लाम त्याकेत ताः लाःगु खः । 
 
जोकोभिचविरुद्धद्ध कासाय् मेदवेदेभं ६–४, ६–४ व ६–४ या सेटय् त्याकूगु खः। थ्वयान्ह्यः निक्वःतक्क ग्राण्डस्लामया फाइनलय् थ्यना नं उपाधि त्याकेत ताः लाय्मफुम्ह मेदेवेदेभं थुगुसी धाःसा जोकोभिचयात बुकाः हे त्वतल । 
 
कासाय् न्ह्यवःनिसें हे जोकोभिचयात दबाबय् तयातःगु खः । बुइधुंका जोकोभिचया क्यालेण्डर स्लामया आज्जू पूमवंगु खः । 
 
दँया स्वंगू ग्राण्डस्लाम अष्ट्रेलियन ओपन, विम्बल्डन व फ्रेन्च ओपन त्याकूम्ह जोकोभिच युएस ओपन नं त्याका दँया प्यंगू हे ग्राण्डस्लाम त्याकेगु अभियानय् दूगु खः । 
 
आःतक्क थःगु करियरय् २०क्वः तक्क ग्राण्डस्लाम त्याकेत ताःलाम्ह जाोकोभिचचं दकले अप्वः ग्रान्डस्लाम त्याकुमी रोजर फेडरर र रफाइल नदालया २१क्वःगु ग्राण्डस्लामया कीर्तिमान थ्यंकेगु ह्वःता तकं चूलाकेमफत ।
Categorized in कासा