थेच्वःय तुसिखुचा द्यःया पुजा जुल
लहनान्युज | ञंलाथ्व एकादशी ११३८ ( सेप्तेम्वर २० २०१८ )
थेच्वः यंलाथ्व एकादशी बिहिवाः कुन्हु ऐतिहासिक नापं सांस्कृतिक रुपं महत्वपूर्ण जाःगु तुसिखुचा द्यः स्वागु दु ।
थेच्वया नेवाः तय्सं स्वर्गया जुजु ईन्द्र द्यःयात तुसिखुचा द्यः धकाः धायेगु या । तुसिखुचा द्यःयात स्वाना पुजा यासें तुसि इना नकिगु न अनु परम्परा दु ।
उगु द्यः थेच्वया च्वय्लाछि व क्वय्लाछि लागाय् ब्वज्या यायेगु याइ । तर च्वय्लाछिइ न्हापा यक्व हे तुसिखुचा द्यः ब्वज्या याना तइगु खःसा थौंकन्हय् धाःसा थुगु द्यःया ब्वज्या याइपि म्हो जुया वने धुकुगु दु ।
