थौंनिसे प्यन्हुतक तसक वाः वइगु
लहनान्युज | दिल्लागा चौथी ११४०,असार २५ बिहीवाः
थौं निसे प्यन्हु तक तसक वाः वइगु सम्भावना दुगुलि सतर्क जुइत गृह मन्त्रालयं इनाप याःगु दु ।
गृह मन्त्रालय अन्तरर्गतया राष्ट्रिय विपद् जोखिम न्यूनीकरण तथा व्यवस्थापन प्राधिकरणं प्यन्हु तक तसक वाः वइगु खुँसिबाः वइगु, चलः वइगु नाप डुबानया जोखिम जुइ फइगुलि सर्तकता अपने यायेत इनाप याःगु दु ।
प्राधिकरणया कथं थौ न निसे आइतवाः तक प्रदेश १, २, वाग्मती व गण्डकी प्रदेशय् यक्को वाः वइगु अनुमान याःगु दु ।
कन्ह्यनिसे आइतवाः तक कन्काई, कोशी, कमला, वाग्मती, नारायणी खुसिइ लःया सतह थहा वइ धका धाःगु दु । विषेश याना प्रदेश १ व २ या चुरे तथा तराई जुया बाः वनिगु खुसिइ तसक बाः वइ धका धाःगु दु ।
