थौं गन गन वइ मखु मत
लहनान्युज | ञंलाथ्व ५ ११४०,भाद्र ७ आइतवाः
न्हुगु फिडर लाइन तयेगु ज्या याये माःगुलि नेपाल विद्युत् प्राधिकरणं थौं आइतवाः सुथय ११ बजे निसे न्हिनय् ३ बजे तक येँया छु छु थासय् मत वइ मखुगु जुगु दु ।
प्राधिकरणया सूचं कथं पुच्वः वितरण केन्द्रं टेकु फिडरपाखे बियावया च्वंगु ११ केभी लाइनया न्हुगु फिडर ताने याइगु जूगुलि मत छु ई वइ मखु धका धाःगु दु ।
प्राधिकरणं बागडोल जःखः, सनराइज टावर जःखः सानेपा चक्रपथ क्षेत्र, खाद्य गोदाम लगायतया थासय् मत वइ मखुगु जुगु दु ।
प्राधिकरणं उगु थासय् छु ई मत मवइगुलि ग्राहकपिन्त क्षमायाचना यासे ज्या क्वचायेवः हे मत वइ धका प्राधिकरणं धाःगु दु ।
Categorized in राष्ट्रिय
