थौं छम्ह नाप ३८० म्हेसित कोरोना संक्रमण पुष्टि
लहनान्युज | तछलागा एकादशी ११४०,असार २ मंगलवाः
थौं येँय् छम्ह नापं देय्न्यंक थप ३८० म्हेसित कोरोना भाइरसया संक्रमण पुष्टि जूगु दु ।
आः थ्व नापं नेपालय् कोरोना संक्रमणपि ६५९१म्ह थ्यःगु दु । नेपालय् कोरोना संक्रमण ७३गू जिल्लाय् खने दयेदुगु दु ।
राष्ट्रिय जनस्वास्थ्य प्रयोगशाला टेकुइ याःगु परीक्षणय् थौं येँय् जूम्ह मिसाम्हसित पुष्टि जूगु खः ।
येँया मिसा नापं राष्ट्रिय जनस्वास्थ्य प्रयोगशालाय् १ सय १४म्हेसित संक्रमण खनेदुगु खः ।
अथेहे नेपालय् कोरोनामुक्त जुयाः १ सय १७म्ह अस्पतालं डिस्चार्ज जूगु दु ।
