थौं दँया हे दकले ताःहाकःगु दिं
बछलाथ्व एकादशी ११४१,असार ७ सोमवाः
थौं असार ७ अर्थात दँया हे दकले ताःहाकःगु दिं । नेपालय् सूर्याेदय व सूर्यास्ताया दथुया ई कथं थौंया दिं थ्यंमथ्यं १३घौ ५४गू मिनेट जुइ ।
थौं सुथसिया ३ताः जुया २८गू मिनेटय् सूर्य कर्कट रेखाय् थ्यंगु खः । थौं सूर्यया गति दक्षिणी गोलाद्र्धपाखे न्ह्यावनि । थुकिय अर्थ खः थौंनिसें दिं चीहाकइगु व चाः ताःहाकइगु जुयावनि । सामान्य ला पुस ७ निसें हे दँया चीहाकगु दिं व चाः ताहकइगु खः ।
नेपाल उत्तरी गाुलाद्र्धय् लाइगु जूगुलिं पृथ्वीया दक्षिणी गोलाद्र्ध थुकिया ठीक अःखः जुई । सूर्ययात चाहिलेगु झ्वलय् थःगु अक्षय् पृथ्वीया ढल्काइया लिधंसाय् सूर्यया जः यक्वः ई तक्क लाइगु जूगुलिं २१ जुनया दिं ताः हकइगु खः ।
वैदिक ज्योतिषया काल गणनाय् थौंनिसें सूर्य दक्षिण पाखने वनिगु व दक्षिणयन न्ह्याइगु जुसां तबि नं व्यवहारय् साउन १ गतेनिसें सूर्य दक्षिणपाखे वनिगु नालावयाच्वंगु दु ।
