थौं न्हिनय् हे मापसे जाँच
लहनान्यूज | चिल्लाथ्व पुन्हि ११३७ (मार्च १२ २०१७)
अबीरया नखः होलिया झ्वलय् सुरक्षायात ध्यानय् तयाः प्रहरीं विशेष सतर्कता नालाकाःगु दु ।
सुरक्षायात ध्यानय् तयाः स्वनिगः दुने तःधंगु ल्याखय् प्रहरी परिचालन याःगु दु । होलीया लागिं धकाः तँसा ३द्वः प्रहरी परिचालन यानागु महानगरीय प्रहरी आयुक्तया ज्याकुथिं न्ह्यथंगु दु ।
सुरक्षा जाँचय् बर्दि फिनातःपिं प्रहरी व ट्राफिक प्रहरी खटे जुयाच्वंगु दु । अथे हे सादा वसतय् तकं तःधंगु ल्याखय् प्रहरी परिचालन याःगु दु ।
होलीया दिनय् थौं न्हिनय् हे मापसे चेकिङ नं जुयाच्वंगु दु । होलीइ जबरजस्ती लोलां कयेकेगु, लखं छ्वाकेगु अले रंगं इलाबीपिन्त सार्वजनिक अपराधय् मुद्दा न्ह्याकेगु प्रहरीं न्ह्यथंगु दु ।
सार्वजनिक मुद्दाय् दछि कैद व १०द्वः तकातक्क जरिवाना पुइकी । तर, थुगुसी प्रहरीं २५द्वः तका जरिवाना क्वःछ्यूगु दु ।
Categorized in राष्ट्रिय
