थौं प्रतिनिधिसभा व राष्ट्रियसभाया शपथ ग्रहण ज्याझ्वः
लहनान्युज | चिल्लागा तृतिया ११३८ (मार्च ४ २०१८)
संघीय संसद् व राष्ट्रियसभाया सांसद पिन्सं थौं शपथ ग्रहण याइगु ज्याझ्वः दु ।
उगु शपथ ग्रहण ज्याझ्वलय् प्रतिनिधिसभाया २७४ म्ह सांसद व राष्ट्रियसभाया ५६ म्ह सांसदं थौं शपथ ग्रहण याइगु ज्याझ्वः दु ।
थौं न्हिनय् चार बजेय् प्रतिनिधिसभाया व पाँच बजे राष्ट्रियसभाया शपथ ग्रहण समारोहया ज्याझ्वः दु ।
थौं या प्रतिनिधिसभा व राष्ट्रियसभाया ऐतिहासिक शपथ ग्रहण समारोहय् कैलाली १ पाखें त्याकादीम्ह रेशम चौधरी धाःसा मथेनिगु दुगु दु । टीकापुर हत्या काण्डया मुख्य योजनाकार कथं कयातम्ह चौधरीं छु न्ह्यः जक कैलाली जिल्ला अदालतय् आत्मसमर्पण यानादीगु खः ।
अथेहे प्रहरीया फरार सूची दुम्ह सांसद् नवराज सिलवालं धाःसा थौं हे शपथ याइगु ज्याझ्वः दु । संघीय संसद् सचिवालयया प्रवक्ता डा. भरतराज गौतमं सिलवालया सरकारी कागजात कीर्ते आरोप सम्बन्धी औपचारिक पौ सचिवालय थ्यकं मवःनि धका धयादीगु दु ।
कांग्रेस सभापति शेरबहादुर देउवा नेतृत्वय् राष्ट्रियसभाय् दुजःया लागि सिफारिस याःगु केपी ओली नेतृत्वया सरकारं उल्ट्ये यासें मनोनित स्वम्ह सांसद धाःसा शपथ अन्योलय् दु ।
ओली सरकारं सिफारिस यापिं राष्ट्रपतिं डा. युवराज खतिवडा, डा. विमला पौडेल राई व रामनारायण बिडारीयात मनोनित याःसा थुकिइगु सर्वोच्चय् जुयाच्वंगु दु।
