थौं विश्व पर्यटन दिवस
ञलागा षष्ठी ११४१, असोज ११ सोमबाः
थौं सेप्टेम्बर २७ अर्थात् ४२क्वःगु विश्व पर्यटन दिवस । नेपालय् नं थीथी ज्याझ्वः यानाः थुगु दिवस हनाच्वंगु दु ।
थुगुसीया पर्यटन दिवसया नारा टुरिज्म फर इन्क्लुसिभ ग्रोथ तयातःगु दु । कोरोना संक्रमण कुहांवःगु ह्वःताः लाकाः सरोकारवाला सरकारी निकाय व पर्यटनलिसे स्वापू दुगु थीथी संघसंस्थां भौतिक रूपं हे दिवस हनेत्यंगु दु ।
पर्यटन मन्त्रालयया सचिव यादवप्रसाद कोइरालाया नायकय् गठीत ४२क्वःगु विश्व पर्यटन दिवस मूल समारोह समितिं नं भौतिक रुपं ज्याझ्वः यायेत्यंगु दु ।
नेपाल एशोसिएशन अफ टूर एन्ड ट्राभल एजेन्ट्स (नाट्टां) नं हिादान ज्याझ्वः यायेत्यंगु दु । उखे पर्यटकीय नगरी पोखराय् नेपालस्थित ११ देय्या राजदूत मुंगु दु ।
गण्डकी प्रदेश सरकारया ब्वनाय् म्हिगः थीथी ११ देय्या राजदूत, कूटनीतिक नियोगया उच्च पदस्थ प्रतिनिधिलिसें २५ पोखरा थ्यंगु खः ।
Categorized in राष्ट्रिय
