थौं सुथंनिसें हे लिभुखाय्
लहनान्यूज सम्वाददाता | कछलागा चतुर्दशि ११३७ (नोभम्बर २८ २०१६)
रामेछाप व सोलुखुम्बुया सिमानायात केन्द्रविन्दु दयेकाः थौं सुथंनिसें हे भुखाय् ब्वःगु दु ।
थौं सुथसिया ५ः२०ताः इलय् ५.६ म्याग्निच्यूडया भुखाय् ब्वःगु खः । थुगु भुखाय् नं वंगु बैसाख १२ या गोरखा भुखायया हे लिभुखाय् खःगु राष्ट्रिय भूकम्प मापन केन्द्रं न्ह्यथंगु दु ।
भुखायया धक्का स्वनिगलय् नं महसूस जूगु खः । ताः ई लिपा तसकं संकीगु कथं भुखाय् ब्वयेधुंकाः मनूत छेँय् नं पिने खुल्ला थासय् पिहांवःगु खः ।
थुगु भुखायलिसें बैसाख १२ गोरखा भुखायया लिभुखाय् ल्याः ४७५ थ्यंगु दु ।
Categorized in राष्ट्रिय
