थौं सुथय् सीम्ह कोरोना संक्रमण जुगु पुष्टि
लहनान्युज | बछलाथ्व दशमी ११४०,जेष्ठ ४ आइतवाः
नेपालय् कोरोना भाइरस (कोभिड(१९) पाखे निम्हम्ह मनू सीगु दु ।
बाँकेया नरैनापुरया दीपेन्द्र मावि भोजभगवानपुरया क्वारेन्टाइनय् सीइम्ह २५ दँया मिजं कोरोना परीक्षणया रिपोर्ट पोजेटिभ वःगु दु ।
स्वास्थ्य तथा जनसंख्या मन्त्रालयया प्रवक्ता डा. विकास देवकोटा उकिया पुष्टि याःगु दु ।
सीइम्ह वैशाख ३० गते भारत नेपाः वःम्ह खः ।
क्वारेन्टाइनय् च्वनेगु झ्वलय् सासः ल्हायेगु समस्या वःगु खः ।
उम्ह मनू थौं सुथय् ६ः४० बजे मदुगु खः ।
