थौं ५ बजे प्रधानमन्त्री केपीशर्मा ओलींराष्ट्रया नामय् सम्वोधन याइगु
लहनान्युज | चिल्लाथ्व एकादशी ११४०
कोरोना संक्रमण नेपालय् दुहा मवयेकिगु निति दक्को उपाय छ्यला च्वंगु इलय् सरकारं थप जोखिम मकायेगु नीति काइगु जुगु दु । देशय् थप सुरक्षित यायेगु निर्णय कायेगु लागि उपप्रधानमन्त्री ईश्वर पोखरेलं थौं बहनि उच्चस्तरीय बैठक सतगु दु ।
थौं सनिलयया ५ बजे प्रधानमन्त्री केपी शर्मा ओली राष्ट्रया नामय् सम्वोधन याइगु ज्याझ्वः दु ।
नोबल कोरोना रोकथाम तथा नियन्त्रणसम्बन्धी उच्चस्तरीय समन्वय समितिया संयोजक तक जुयादिम्ह उपप्रधानमन्त्री पोखरेलं थौं शुक्रवाः सुथय् प्रधानमन्त्री केपी शर्मा ओलीयात नापलाना आतकया अवस्थाबारे जानकारी बियादिगु खः ।
प्रधानमन्त्रीें संक्रमणपाखे देय् यात बचे यायेगु सन्दर्भय् छु न कमजोरी मयायेत निर्देशन न बियादिगु दु ।
बुधवाःया बैठकय् एसईई स्थगन लगायतया महत्वपूर्ण निर्णय कयादिम्ह पोखरेलं थीथी मन्त्रालय व निकाय तयेगु निर्णय कार्यन्वयनया अनुगमन रिपोर्ट तक कया च्वनादिगु दु ।
