दक्षिण अफ्रिका व आयरल्यान्ड क्रिकेट
दिल्लाथ्व प्रतिपदा ११४१, साउन १० आइतबाः
दक्षिण अफ्रिकां घरेलु टोली आयरल्यान्डलिसे स्वंगू कासाया टी–ट्वान्टी क्रिकेट श्रृङ्खलाय् ‘क्लिन स्वीप’ याःगु दु ।
डुब्लिनय् वंगु चान्हय् जूगु स्वंगूगु व लिपांगु टी–ट्वान्टीइ ४९ रनं कासा त्याकाः दक्षिण अफ्रिकां श्रृङ्खला ३, शुन्यं त्याकूगु खः । दक्षिण अफ्रिकां ब्यूगु सच्छि व ९० रनया आज्जु ल्यूगु आयरल्यान्डं २० ओभरय् ९ विकेट तंकाः सच्छि व ४० रन जक दयेकेफत आयरल्यान्डया कप्तान एन्डी बलब्रिनीं दक्कले आपाः २७ रन दयेकल ।
दक्षिण अफ्रिकाया जर्ज लिन्डे, लिजाड विलियम्स व मुल्डेरं २÷२ विकेट काल । न्हापां ब्याटिङ याःगु दक्षिण अफ्रिकां २० ओभरय् २ विकेट तंकाः सच्छि व ८९ रन दयेकूगु खः । दक्षिण अफ्रिकाया लागिं कप्तान टेम्बा बाभुमां ७२ रन व रिजा हेन्ड्रिक्सं ६९ रनया अर्धशतकीय इनिंग्स म्हितल ।
डेभिड मिलरं अविजित ३६ रन दयेकल । आयरल्यान्डया सिमी सिंह व बारी म्याककार्थीं १÷१ विकेट काल । न्हापांगु कासाय् दक्षिण अफ्रिका ३३ व निगूगु कासाय् ४२ रनं त्याःगु खः ।
Categorized in कासा
