दक्षिण एसियाली खेलकुद (साग) या तजिक उलेज्या
नृपेन्द्रलाल श्रेष्ठ | थिंलाथ्व पंचमी ११४० (दिसेम्वर २ २०१९)
१३ क्वःगु दक्षिण एसियाली खेलकुद (साग) या तजिक उलेज्या जुगु दु ।
राष्ट्रपति विद्यादेवी भण्डारीं दशरथ रंगशालामा १३ क्वःगु सागया औपचारिक उलेज्या यानादिगु खः ।
नेपाली मौलिक संस्कृति खने दुगु थी थी सांस्कृतिक ज्याझ्वः न्ह्यब्बगु खः । उगु मार्चपासपाखे न्ह्याःगु उलेज्या झ्वलय् नेपालया झण्डा भारोत्तोलनया कमलबहादुर अधिकारीं ज्वना वःगु खः ।
अथेहे, ओलम्पियन दीपक विष्टं ओलम्पिक टर्च रंगशालाया ट्रयाकय् च्याकुगु खः । कासामिपाखे क्रिकेटर पारस खड्का व निर्णायकया पाखे ब्याडमिन्टनया अन्तर्राष्ट्रिय रेफ्री दीपक थापां सपथ कयादिगु खः ।
उगु ज्याझ्वलय् गायक दीपक बज्राचार्य नाप कुन्ति मोक्तान, आनन्द कार्की, ईन्दिरा जोशी, सत्यराज आचार्य व मिलन नेवाः पाखे सास्कृति ज्याझ्वः न्ह्य ब्बःगु खः ।
दक्षिण एसियाली ओलम्पिक काउन्सिलया अध्यक्ष जिवनराम श्रेष्ठ, साग कार्यकारी समितिया अध्यक्ष तथा राष्ट्रिय खेलकुद परिषदया सदस्य सचिव रमेशकुमार सिलवालं सागया बिषयय् न्ववानादिगु खः ।
