२०८० चैत्र १६, शुक्रबार

दक्षिण कोरियाय् हवाइ ट्याक्सीया परीक्षण

लहानान्युज | कछलाथ्व पंचमी ११४१, मंसिर ४ बिहीवाः

दक्षिण कोरियाय् मानवरहित हवाइ ट्याक्सीया परीक्षण याःगु दु।

पूर्वाधार व यातायात मन्त्रालयया कथं ६५० किलोया इलेक्ट्रिक हवाइ ट्याक्सीइ निगु सिट दु। ट्याक्सीं १३० किलोमिटरया गतिइ उडान भरे यायेफु धका धाःगु दु।

दक्षिण कोरियां हवाइ ट्याक्सीया परीक्षण याःगु थ्व निक्वःगु पटक खः। थुगु पटक खुगः हवाइ ट्याक्सी परीक्षण याःगु खः। उगु हवाइ ट्याक्सीयात चिनियाँ पाइलटलेस एयर ट्याक्सी फर्म इहाङं दयेकूगु खः।

ड्रोन ट्याक्सी कार्यक्रमं शहरी हवाइ गतिशीलता विकास व भूमिगत यातायातया भीड कम यायेगु उदेश्य खः।

अथेहे सहरी भागय् ट्राफिक व्यवस्थापनया लागि ग्वाहालि जुइगु भलसा काःगु दु। वःगु अप्रिलय् ७० किलो जाकिया बोरा नाप हवाइ ट्याक्सीया परीक्षण याःगु खः।

Categorized in अन्तर्राष्ट्रिय