दल्लु ल्वहंहितिया पुनःनिर्माणया शिलान्यास
लहनान्युज | तछलाथ्व सप्तमी ११३९ (जुन १० २०१९)
येँ महानगरपालिका वडा नं. १५ डल्लु चोताराय् च्वंगु दलु ल्वहंहितिया पुनःनिर्माणया नितिं प्रतिनिधिसभाया दजः जीवनराम श्रेष्ठं शिलान्यास यानादीगु दु ।
स्थानीय जनसमुदायया मागकथं उगु दय्केज्याया नितिं येँ क्षेत्र नं. ८ स्थानीय पूर्वाधार विकास साझेदारी कार्यक्रम अन्तर्गत १५गू लखतका बजे बिनियोजन याःगु खः ।
उगु ल्वहंहिति हनुमानध्वाखा विश्वसम्पदा निसें स्वयम्भू विश्वसम्पदातक वनीगु सम्पदा लँपुइ लाः । थुगु बजेटपाखें ल्वहंहिति पुनःनिर्माणलिसें सार्वजनिक चःबि दय्केज्या जुयाच्वंगु दु ।
उगु शिलान्यास ज्याझ्वः समितिया कजि अमरबहादुर रञ्जितया अध्यक्षताय् जूगु खः ।
ज्याझ्वलय् वडाया दुजःपिं आनन्दराम गौतम, मैंयालक्ष्मी महर्जनलिसें नव जागृति क्लबया पदाधिकारिपिं व स्थानीय जनसमुदायपिनिगु उपस्थिति दुगु खः ।
