२०७७ माघ १३, मंगलबार

दिल्लीं बैंगलोरयात ५९ रन त्याकल

लहानान्युज | अनलागा ४ ११४०,असोज २० मंगलवाः

इन्डियन प्रिमियर लिग (आईपीएल) क्रिकेट वःगु चान्ह्य जुगु कासाय् दिल्ली क्यापिटल्सं रोयल च्यालेन्जर्स बैंगलोरयात ५९ रन बुकुगु दु। विशाल अन्तरं त्याःगु थुगु कासालिपा दिल्ली आईपीएल अंक तालिकाय् शीर्ष स्थानय् थ्यःगु दु।
 
दुबईलय् जुगु कासाय् आईपीएलया १९ गु कााय् दिल्लीं बैंगलोरयात १९७ रनया चुनौती बिःगु खः। उकिया लिसः ब्याटिङ यायेत वःपि बैंगलोर ९ विकेटया क्षतिइ १३७ रन जक दयेके ताःलागु खः। कप्तान विराट कोहलीं दकलय् अप्वो ४३ रन दयेकूगु खः।
 
दिल्लीया लागि कागिसो रबाडां प्यंगु विकेट काःगु खः। प्यंगु ओभरय् १८ रन बिया  निगु विकेट काःगु खः दिल्लीया अक्षर पटेल म्यान अफ द म्याच जुगु खः।
 
टस त्याका न्हापा ब्याटिङ याःगु दिल्लीं निर्धारित २० ओभरय् प्यंगु विकेटया क्षतिइ १९६ रन दयेकूगु खः।
 
मार्कस स्टोइनिस न २६ बलय् नटआउट ५३ रन दयेकूगु खः। पृथ्वी शा न २३ बलय् ४२, शिखर धवन न २८ बलय् ३२ व रिसभ पन्तं २५ बलय् ३७ रन दयेकूगु खः। बैंगलोरया लागि मोहम्मद सिराजं निगु विकेट काःगु खः।
 
Categorized in कासा