दिल्लीयात कोलकक्ता १८ रन त्याकल
मिलन कुमार | अनलागा ३ ११४०,असोज १८ आइतवाः
यूएईलय् १३ क्वःगु संस्करणया इन्डियन प्रिमियर लिग (आईपीएल) टी–ट्वान्टी क्रिकेट अन्तर्गत दिल्ली क्यापिटल्स कोलकक्ता नाईट राइडर्सयात १८ रनं त्याकूगु दु।
दिल्ली बिःगुं २२९ रनया लक्ष्य कोलकोक्तां निर्धारित २० ओभरय् ८ विकेटय् २१० रन जक दयेके फुगु खः।
कोलकक्ताया लागि नितिश रानां अर्धशतकीय पारी म्हितूगु खः। ३५ बलय् ४ चौका व ४ छक्काया ग्वाहालि ५८ रन दयेकूगु खः। अथेहे इयान मोर्गान ४४ रन, राहुल तिपाठी २८ रन, आन्द्रे रसेल १३ रन दयेकूगु खः।
बलिङपाखे दिल्लीया लागि अरिच नोर्टजे न स्वगू विकेट, हर्स पटेलं निगु विकेट व कगिसो रवाडा, मार्कुस स्टोनिस व अमित मिश्रा छगू छगू विकेट काःगु खः।
टस बूया न्हापा ब्याटिङ यासे दिल्लीं निर्धारित २० ओभरय् ४ विकेटय् २२८ रन दयकूगु खः। दिल्लीया लागि कप्तान श्रेयस अैर व पृथ्वि शले अर्धशतकीय पारी म्हितूगु खः।
३८ बलय् अैरं ७ चौका व ६ छक्काया ग्वाहालि ८८ रन, ४१ बलय् पृथ्विं ४ चौका व ४ छक्काय् ग्वाहालि ६६ रन, रिशव पन्तं ३८ रन, शिखर धावनं २६ रनया योगदान याःगु खः।
बलिङपाखे कोलकक्ताया लागि आन्द्रे रसेल निगु विकेट, वरुण चक्रवर्ति व कमलेस नगरकोटी न छगू छगू विकेट काःगु खः।
दिल्ली अङ्क तालिकाय् शीर्ष स्थानय् थ्यःगु दु। लिगय् प्यंगू कासाय् दिल्लीं ६ अंक हया शीर्ष स्थानय् थ्यःगु दु सा कोलकक्ताया ४ अंक दु।
Categorized in कासा
