दिल्लीयात बुकुसें चेन्नई फाइनलय्
कौलाथ्व चतुर्थी ११४१, असोज २५ सोमबाः
दिल्ली क्यापिटल्सयात ४गू विकेटं बुका चेन्नई सुपर किङग्स इण्डीयन प्रिमियर लिग (आइपिएल) टि ट्वेन्टी क्रिकेटया फाइनलय् थ्यंगु दु ।
दिल्लीं बिउगु सच्छि व ७३गु रनया आज्जु चेन्नाईं २०गूगु ओभरय् ६ गू विकेटया क्षति पूवंकल । टोलीया नितिं ओपनर ऋतुराज गाइकवार्डं ७० गू रन दयेकुबलय् रोबिन सिंह उथप्पां ६३ गू रनया योगदान बिउगु खः ।
दिल्लीया टम करनं ३गू विकेट काःगु खः ।् थ्वयान्ह्यः टस बुना न्हापा ब्याटिङ याःगु दिल्लीं क्वजिनातःगु २०गू ओभरय् ५गू विकेट तंका सच्छि व ७२गू रन दयेकुगु खः । उमिगु नितिं पृथ्वी शं ६०गू रन व ऋषव पन्तं ५१गू रन मुंकुगु खः ।
चेन्नईया जोस हेजलउडं निगू विकेट काःगु खः । कासा त्यागु लिसें चेन्नाई फाईनलय् थ्यंबलय् दिल्लीं निगूगु क्वालिफायर म्हितेमालिगु जूगु दु ।
निगूगु क्वालिफायरय् दिल्लीं थौं जुइगु रोयल च्यालेन्जर्स बेङ्लोर व कोलकाता नाइट राइडर्स दथुया त्याकामिलिसे म्हितिइ ।
Categorized in कासा