देय्यकं २९४२ म्हेसित कोरोना संक्रमण पुष्टि
नेपालय् थप २९४२ म्हेसित कोरोना संक्रमण पुष्टि जूगु दु।
 
वःगु २४ घण्टाया दुने थीथी जिल्लाया प्रयोगशालाय् याःगु परीक्षणय् २९४२ म्हेसित संक्रमित पिहावःगु धका स्वास्थ्य तथा जनसंख्या मन्त्रालयं धाःगु दु। थ्व नाप कोरोना संक्रमितपि आःतक
नेपालय् १ लाख ३२ हजार २४६ म्ह थ्यःगु दु। 
 
मन्त्रालय थौं नियमित प्रेस ब्रिफिङय् प्रवक्ता डा. जागेश्वर गौतमं २४ घण्टाय् २३२६ म्ह डिस्चार्ज जुगु जानकारी बिःगु खः। थ्व नाप आःतक डिस्चार्ज जूपि ९२ हजार १६६ म्ह थ्यःगु दु।
 
आः सक्रिय संक्रमितपि ३९३४१ म्ह दुु। आःतक पीसीआर परीक्षण १२ लाख ८३ हजार ३५४ म्ह याःगु दु। देय् यकं ४ हजार ८३१ म्ह क्वारेन्टीनय् च्वनाच्वःगु दु।
 
थौं वःगु २४ घण्टाया दुने १२ म्ह कोभिड १९ संक्रमणया कारण सी धुकुगु दु। थ्व नाप संक्रमणं सीपि ७३९ म्ह थ्यःगु दु।