२०८१ आषाढ १२, बुधबार

देय् दबुलिइ हाकनं नं नरेश हे

लहनान्यूज | चौलागा द्वादशी ११३७ (अप्रिल २३ २०१७)

नेवाः देय् दबूया न्हूम्ह नायः कथं हाकनं छक्वः नरेश ताम्रकार हे त्याःगु दु ।
 
दाङया घोराहिइ क्वचाःगु देय् दबूया खुक्वःगु महाधिवेशनय् न्हूगु कार्य समिति ल्ययेत जूगु निर्वाचनय् प्रतिद्वन्दि पवित्र वज्राचार्ययात ४६ मतं ल्यूने लाकाः ताम्रकार नायः पदय् निर्वाचित जूगु खः । 
 
नायः पदय् निर्वाचित ताम्रकारं १९ मत हःगु खःसा वयकःया प्रतिद्वन्दि पवित्र बज्राचार्यं १५० मत हःगु खः ।
 
वंगु चौलागा दशमि शुक्रबाः व एकादशि शन्चरबाः, निन्हुयंकं जूगु तःमुँज्याया निन्हुगु न्हिकुन्हु जूगु चुनावं न्हयगू प्रदेशपाखें न्हयम्ह हे न्वकू व खुलापाखें न्हयम्ह दुजःपिं व न्हयम्ह मिसा दुजःपिं नं ल्यःगु दु ।
 
निर्वाचित दुजःपिनि दथुं हे कार्य समिति मुँज्यापाखें मू छ्यान्जे, छ्यान्जे लिसें दांभरिं चयन जुइ ।
 
न्वकू पदया नितिं ३ नं प्रदेश बाहेक मेगु प्रदेशत १, २, ४, ५, ६ व ७य् निर्विरोध ल्यःगु खः । ३ नं प्रदेशया नितिं जूगु चुनावय् चितवनयाम्ह चन्द्रलाल राजभण्डारी न्वकू पदय् निर्वाचित जूगु दु ।

 

Categorized in राष्ट्रिय