देय् यकं १६७४ म्ह कोरोना सक्रमित

वःगु २४ घण्टाया दुने शनिवाः थप १ हजार ६७४ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।

थ्व नाप नेपालय् कोरोना संक्रमितपि २ लाख १८ हजार ६३९ म्ह संक्रमितपि थ्यःगु दु धका मन्त्रालयं धाःगु दु ।

मन्त्रालयया कथं आःतक पीसीआर विधिपाखे १६ लाख ५२ हजार ४३म्हेसिगु परीक्षण याये धकुगु दु। 

वःगु २४ घण्टाय् जम्मा ८ हजार १४४ म्हेसिगु पीसीआर परीक्षण याःगु खः। देय् यकं सक्रिय संक्रमितपि आःतक २४ हजार ९म्ह दु।

आःतक क्वारेन्टाइनय् च्वना च्वपि ७५७ म्ह थ्यःगु दु।