वःगु २४ घन्टाया दुने नेपालय् थप १९१३ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।

मन्त्रालयया कथं  थौं बिहीवाः थपे जुपि नापयाना आःतक कोरोना संक्रमितपि नेपालय् २ लाख ४२४२ म्ह थ्यःगु दु। वःगु २४ घण्टाया दुने १० हजार २२ म्हेसिगु पीसीआर परीक्षण याःगु दु।

थ्व नाप आःतक पीसीआर विधिपाखे १५ लाख ८४ हजार २१७ म्हेसिगु परीक्षण याये धुकुगु दु धका मन्त्रालयले धाःगु दु। वःगु २४ घन्टाया दुने कोरोनामुक्त जुपि २३४९ म्ह डिस्चार्ज जुगु दु।

थ्व नाप आःतक नेपालय् आःतक कोरोनामुक्त जूपि १ लाख ६४ हजार ५९२ म्ह थ्यःगु दु।

अथेहे नेपालय् आःतक सक्रिय संक्रमितपि ३८ हजार ४६१म्ह दु। 

Categorized in राष्ट्रिय