२०८२ आषाढ १७, मंगलबार

देय् यकं ७१ म्ह पत्रकारमा कोरोना संक्रमण पुष्टि

लहनान्युज | ञंलाथ्व १० ११४०,भाद्र १२ शुक्रवाः

नेपालय् थौं शुक्रवाः तक ७१ म्ह पत्रकारमा कोरोना संक्रमण पुष्टि जूगु दु । पत्रकार तयेगु छाता संस्था नेपाल पत्रकार महासंघया कथं सुदूरपश्चिम बाहेक बाँकी खुगु प्रदेशमा पत्रकारपिन्त न कोरोना संक्रमित जूगु दु ।
 
प्रदेश १ य् १३ म्ह पत्रकार कोरोना संक्रमित जूगु दु । मोरङका १२ म्ह व उदयपुरय् छम्हेसित जूगु दु  ।
 
प्रदेश २ य् २७ म्ह पत्रकार संक्रमित जूगु दु । संक्रमित जूपि पर्साया १३म्ह, बाराया प्यम्ह, धनुषाय् निम्ह, सप्तरी स्वम्ह, सर्लाही स्वम्ह, महोत्तरी छम्ह व रौतहटय् छम्हेसित पुष्टि जूगु दु ।
 
अथेहे बागमती प्रदेशय्  ११ म्हेसित संक्रमित जूगु दु । संक्रमित जूपि येँया गुम्ह व यलय् निम्हेसित पुष्टि जूगु दु ।
 
अथेहे गण्डकी प्रदेशया कास्की छम्ह व नवलपुरय् न्ह्यम्ह याना च्याम्हेसित संक्रमण पुष्टि जूगु दु ।
 
प्रदेश ५ य् बाँकेय् निम्ह, बर्दियाय् छम्ह, कपिलवस्तु खुम्ह व रुपन्देही निम्ह याना ११ म्हेसित संक्रमण पुष्टि जूगु दु ।
 
कर्णालीया दैलेख जिल्लाय् छम्ह पत्रकारयात संक्रमण पुष्टि जूगु दु ।
 
पत्रकार महासंघ शुक्रवाः छगू विज्ञप्ति पिकया संक्रमणया उच्च जोखिमया दथुइ फिल्डय् खटे जुइपि सञ्चारकःमिपिन्त निःशुल्क पीसीआर परीक्षणया व्यवस्था यायेत व संक्रमित दक्को  पत्रकारपिनत उपचारको उचित व्यवस्था यायेत सरकार नाप माग याःगु दु 
Categorized in राष्ट्रिय