दैलेखय् शिक्षक स्याःगु द्वपनय् प्रहरीं छम्ह मिसायात ज्वन
ञंलाथ्व दशमी ११४१, भाद्र ३१ बिहीवाः
दैलेखय् शिक्षक स्याःगु द्वपनय् प्रहरीं छम्ह मिसायात ज्वंगु दु । गुराँस गाउँपालिका–८ छोटेपोखराया २५दँ दुम्ह मुना रानायात शिक्षक स्याःगु द्वपनय् ज्वंगु प्रहरीं धागु दु ।
जःगु ल्वाभलं मालिका माध्यमिक ब्वनेकुथी आखः ब्वंकीम्ह शिक्षक नगेन्द्रकुमार बिसीयात स्याःगु रानां स्वीकार याःगु जिल्ला प्रहरी ज्याकू दैलेखं धागु दु ।
व्यक्तिगत रिसइबी दुगुलिं शिक्षक बिसीयात स्यानागु धकाः मुनां बयान ब्यूगु प्रहरीं धागु दु । मंगलबार सुथय् ७ताः ईलय् शिक्षक विसीया सीम्ह ब्वनेकू जःखः लूगु खः ।
शिक्षक बिसी मालिका माध्यमिक ब्वनेकुथी १३दँ थुखय्निसें आखः ब्वंकाच्वनादीगु खः ।
Categorized in अपराध
