धरानय् कोरोना संक्रमित छम्ह मन्त
लहनान्युज | दिल्लागा द्धादशी ११४०,श्रावण २ शुक्रवाः
कोरोना संक्रमणया कारण बीपी कोइराला स्वास्थ्य विज्ञान प्रतिष्ठान धरानय् वासः याका वयाच्वम्ह छम्ह मन्त । सप्तरी राजविराज नगरपालिका–१ छेँ दुम्ह उम्ह मनू ७३ दँयाम्ह खः ।
प्रदेश १ या कोरोना संक्रमितम्ह सीगु थ्व हे न्हापागु घटना खः । थ्व नाप देय् यकं कोरोनां सीपिनिगु ल्याः ४०म्ह थ्यःगु दु ।
बीपी कोइराला स्वास्थ्य विज्ञान प्रतिष्ठान धरानया प्रवक्ताया कथं उम्ह मनू बुधवाः अस्पताल भर्ना जूगु खः ।
चिनी, पेसर व मुटु ल्वय या लागि वासः यायेत वम्हेसित बुधवाः स्वाब संकलन याय्गु खः ।
बिहीवाः वयात कोरोना पोजेटिभ रिपोर्ट वये वः आइसोलेसनय् भर्ना याःगु खः । आइसोलेसनय् वास यायेगु झुवलय् बिहीवाः मदुगु धका प्रवक्तां धाःगु दु ।
