नक्कली प्रेस कार्ड खूवपि निम्हेसित ज्वन
नक्कली प्रेस कार्ड दयेका खू वःगु आरोपय् निम्हेसित प्रहरी ज्वःगु दु । ज्वःपि सनुसरीया २१ दँयाम्ह आश्रय रिमाल हिमाल, हम्मे धाइम्ह हिमाल रमाइली व बाराया २८ दँयाम्ह अलि आलम मिया खः ।
 
महानगरीय अपराध अनुसन्धान महाशाखाया एसपी ईश्वर कार्की कथं लकडाउनया इलय् चान्ह्य व न्हिनय् खूइगुलि संलग्न खने दुगुलि इपि निम्हेसित ज्वनागु खः धका धयादिगु खः ।
 
महाशाखा व महानगरीय प्रहरी वृत्त, गौशालां खटे जुगु मंकाः टोलीं एरेर ५१ ब्वाइज होस्टलय् प्यगः ल्यापटप व चाबहिलया डा. सुविनको मानन्धरया छेँय् म्याक बुक व एप्पलया आई प्याड खूया यंकुगु घटनाया अनुसन्धान यायेगु झ्वलय् इपिनिगु संलग्नता खने दुगु खः ।
 
सीसीटीभी फुटेजया आधारय् अध्ययनं खनेदुगु आधारं एभेञ्जेर मोटरसाइकल रोके याना न्यने कने यानागु झ्वलय् इपि छगु टिभीया प्रेस कार्ड क्यःगु खः ।
 
इमिगु खानतलासी कायेगु झ्वलय् इमिके दुगु ब्राण्डया ल्यापटप, क्यामरा, नगद ५३ द्धः, ३०० डलर, २०० युआन नाप ज्वःगु हतियार तक लुगु कार्कीं धयादिगु खः ।
 
Categorized in अपराध