नविता बिजेश्वरी स्कूलया ब्राण्ड एम्बेसेडर
नृपेन्द्रलाल श्रेष्ठ | तछलागा षष्ठि ११३८ ( जुलाई ४ २०१८ )
नेपाःया टेविल टेनिस कासा ख्यलय् न्ह्यक्वःतक त्याका राष्ट्रिय किर्तिमान तयेत ताःलाम्ह नविता श्रेष्ठयात थौं छगु ज्याझ्वः दथुइ बिजेश्वरी माध्यामिक बिद्यालय न हने कथं ब्राण्ड एम्बेसेडर नियुक्त याःगु दु ।
वि.स. २०३७ सालय् पलिस्था जुगु थुगु स्कूलय् नविता श्रेष्ठं २०५१ निसे २०६३ तक ब्बःगु खः ।
थौ वयकःयात छगु लख नीन्याद्धः नगद विया दँछिया लागि ब्राण्ड एम्बेसेडर नियुक्त याःगु खः ।