२०८० फाल्गुण १२, शनिबार

नांजाःम्ह च्वमि तारक मेहता मन्त

लहनान्यूज | चिल्लाथ्व तृतीया ११३७ (मार्च १ २०७३)

ताः इलंनिसें म्हं मफयाच्वंम्ह नांजाःम्ह गुजराती नाटककार तारक मेहता थौं सुथय् मन्त ।
 
८८दँयाम्ह मेहता मदुगु पुष्टि यासें वयकःया परीवारं वयकःया अंगदान याइगु नं धाःगु दु । 
 
मदुम्ह मेहतां च्वयातःगु सिरीयल तारेक मेहताका उल्टा चश्मा अतिकं लोकं व्हाः । गुजराती म्यागेजिनय् पिदनीगु अतिकं लोकंव्हाःगु स्तम्भ ‘दुनिया ने औंधों चश्मा’पाखें हे टीभि सीरियल तारक मेहता का उल्टा चश्मा’ दयेकूगु खः ।
 
वयकलं खुगू लोकंव्हाःगु जराती नाटक नं च्वयादीगु दु । मेहताया ८० सफूत बजारय् पिदंगु दु ।
 
२६ दिसेम्बर, १९२९ कुन्हु बूम्ह तारक मेहतायात २०१५य् पद्मश्री सिरपाः ब्यूगु खः । 
 
मेहता मदुगुलिइ दुःख प्वंकुसें भारतीय प्रधानमंत्री नरेन्द्र मोदी लिसें आपाःसिनं श्रद्धान्जलि प्वंकूगु दु ।
Categorized in अन्तर्राष्ट्रिय