नाइजेरियाय् हाकनं ब्वंमि मस्त अपहरण
बछलागा द्धादशी ११४१, असार २२ मंगलवाः
अफ्रिकी देय् नाइजेरियाय् बन्दुकधारीया पुचःलं सच्छि व ४०म्ह ब्वंमिया अपहरण याःगु दु ।
अज्ञात बन्दुकधारीया पुचःलं उत्तर पश्चिम नाइजेरियाया बेथेल बाब्तिस ब्वनेकुया ब्वंमित अपहरण याःगु खः । बन्दुकधारीं जारिया क्षेत्रया छगू क्षयरोग तथा कुष्ठरोग उपचार केन्द्रपाखे निम्ह नर्सलिसें म्होतिइ ८ म्ह स्वास्थ्यकर्मी व कर्मचारीया नं अपहरण याःगु दु ।
ब्वनेकुथिइ मोटरसाइकलय् दुहाँवःपिं उमिसं गोलीं कयेका ब्वमितये अपहरण यायेधुंका उपिं कुष्ठरोग केन्द्रय् दुहाँवना नर्स व स्वास्थ्यकमितये अपहरण याःगु खः । अपहरणय् लाःपिं २६म्ह शिक्षिकातयेत त्वःतूगु दु ।
सच्छि व ८०म्ह ब्वंमि दूगु उगु ब्वनेकुथिइ सच्छि व ४०म्हसिया अपहरण जूगु खःसा २०म्ह स्वापूतिइ वःगु दु । ल्यं दूपिं २०म्हसिया मालेज्या जुयाच्वंगु धाःगु दु । घटनाया भाला आःतक्क सुनांनं काःगु मदुनि ।
नाइजेरियाय् वंगु डिसेम्बरनिसें आःतक्क द्वःछिम्ह ब्वंमित अपहरणय् लायेधुंकुगु दु ।
Categorized in अन्तर्राष्ट्रिय
