२०८० चैत्र १५, बिहिबार

नातिबज्र छम्ह ‘इम्प्रेसिभ’ ब्यक्तित्व

एकाराम सिं
 
नातिबज्र नेपालभाषाया कवि कथं नांजाःम्ह व्यक्तित्व खः । पिनें स्वय् बलय् वय्कः नेपालभाषाया जक सफू मीम्ह साधारण व्यवसायी थें नं खनेदु । सफूधुकू वय्कःया पसःया नां खः । असनं भोताहिति वनेगु दत्थुइ लँपुसं सपूmधुकू दु । जिं वय्कःयात सपूm व्यवसायी कथं गबलें मखं । नेपालभाषायात प्रचार प्रसार याय्गु नितिं जीवन पाना च्वंम्ह ब्यक्तित्व कथं जक खना ।
 
जि मचा बलय् थँहितिया शान्तिशिक्षा मन्दीर माध्यामिक विद्यालयस ब्वनेगु । खालीगु इलय् असं, भोताहिति, तिंख्यलय् अप्व धया थें चाःहिलेत वनेगु । भोताहिति लँपुइ निगु सफूपसलय् जिगु मिखा वनीगु । छगू चाइनिज, कोरियन सफू मीगु पसः, मेगु नेपालभाषाया सफू मीगु सफू धुकू । थःगु हैसियत कथं अन निथासंया चिचिधगुं, दंगु सफूत न्यानाः स्वय्गु । उबलय् तक सफूधुकूया नातिबज्र म्हमस्यू । 
 
एस.एल.सि.या जाँच सिधयाः खालिगु ई, नेपाल लिपिया “पौभा” पत्रिकाय् चित्र व आखलं समाः याय्गु ज्याय् संलग्नजुया । व पत्रिका सफूधुकू पसलय् नं मिया तःगु खना । जः विकासमान श्रेष्ठ (थौंकन्हय् योगी विकासानन्द) जिगु सतीम्ह पासा । निम्ह किपा च्वय्गु ज्या याय् न्ह्याःपिं । छन्हु जः विकासमान व जि सफूधुकू पसलय् थ्यन । अन पसलय् च्वनाच्वम्ह छम्हेस्यां जः विकासमानयात धाल– ‘पौभा पत्रिका तसकं बांलाः, किपा सुना च्वःगु ।’ विकासमानं जितः क्यनाः ‘वय्कः हे खः’ धाल । अननिसे ंनातिबज्र म्हसिल, खँल्हाबँल्हा नं सुरु जुल । थ्व स्वंगू दशक स्वयां न्ह्यःया खँ खः ।
 
 
उगु इलय् नेपालभाषाया सफूत जन साधारण नेवाः तय्त गथे याःसा स्वय्गु ब्वंकेगु याय् फइ धकाः बिचाः वना च्वनीगु । थुगु झ्वलय् स्वनिगःया हे धर्म संस्कृतिइ सत्तिगु बाखं ‘लुँमधि भद्रकाली’या किपा बाखं (कमिक्स) छगू पिकया । थ्व कमिक्स सफूधुकुतिइ थ्यंका । थ्व कमिक्स खनाः वय्कः तसकं लय्ताया दिल । नातिबज्र नाप लातकि िकपा दुगु बाखं सफू मेगु सफू स्वयां अप्वः न्याःपिंदु धाइगु । 
 
 
अजाःगु थें मेमेगु नं किपा हना बाखं सफू पिकाय् माल धकाः हःपाः बिया च्वनीगु । कमिक्स किपा च्वय्त ई यक्वमाः । वय्कःया हे बलं मेगु छगू कमिक्स तयार याना । वखः ‘महासत्व’ । वय्कलं नं नेवाः भासं बुद्ध जीवनीया कमिक्स पिकाय्गु इच्छा प्वंकादिल । ‘पताचारा’ किपा हना बाखं पिकया नं दिल । जितः थें सफूधुकू असनय् थ्यंपिं च्वमि, साहित्यकारपिन्त सफू च्वय्त हःपाः बिया च्वंगु खना । थुकिं नेपालभाषा सफूया नितिं नातिबज्र छम्ह ‘इम्प्रेसिभ’ ब्यक्तित्व खः धइगु सीदु । भाषा, साहित्य व संगीतया नितिं वय्कः छम्ह उर्जा बिया च्वनीम्ह सरल स्वभाव ब्यक्तित्व खः । 
 
 
असंया लँ सिथय् सन्या जक मीगु ज्या याःसां धनी जुइगु थाय् । नातिबज्र अजाःगु छुं बिचाःमयाः । गुलिदु, उलिं हे सन्तोष जुइगु बानी । नातिबज्र जिगु जीवनया छगू महत्वपूर्ण सामाजिक ब्यवहारय् नं स्वाःगु दु । जिगु इहिपाः खुन्हु जिमि पारिवारिक गुर्जु वयाः नं माः थाय् मथ्यन । उबलय् जन्तय् थ्यंम्ह नातिबज्रं गुर्जुया जिम्मा कयाः माः कथं ग्वाहालि याना दिल । दुवातय् सम्धीया कालविल खँ तक नं ब्याका दिल । न्हापांम्ह सन्तानया नामं निपु चिनाखँ नं च्वयादिल । थ्व कविता ईल्वहं मचापत्रिकाय् पिदंगुदु । थुकिं नातिबज्र जिगु नाप भाषाया कारण जक मजूसे छगू पारिवारि कथें जुयावन ।
 
 
इलय् ब्यलय् नातिबज्रं थःगु जीवनया घटनात नं कनेगु याः । वय्कः बज्राचार्य ख । अय्सां बुँ ज्यानं यानादिल । साय्द सफूधुकू पसः तय्गु स्वयां न्ह्यःया खँ जुइमाः । वय्कलं म्हय् कथं सिंहदरवार व बालाजुइ बुँइ ज्यापुत थें खमू क्वबियाः बुँज्या नं यानादीगु जुयाच्वन । वय्कलं जितः धयादी कथं न्हापा गुर्जु (बज्राचार्य) परिवार मिसापिन्सं नं हाकुपतासि सिनेगु याः । 
ताः ई तक नातिबज्र सफू धुकू पसलय् खने मन्त । गबलें गबलें दगूबहाल छेँ वनाः नाप लाय्गु याना । साहित्यया सिर्जना याना च्वंगु खँ न्यना । अप्वः धया थें पासा बसन्त महर्जन अन नाप लाना च्वनि । नातिबज्रया जीवनी च्वय्गु ज्याय् बसन्त न्ह्य ज्याना च्वंगु खनी ।
 
 
०७५ पुषया न्हापांगु वालय् फेसबुकय् नातिबज्र बीर अस्पतालय् भर्ना यानातःगु फोटो पोष्ट यानातःगु खना । पुष ११ गते सन्ध्या इलय् जि व बसन्त महर्जन नातिबज्रया नाप लाय्त वीर अस्पताल वना । अन आइसियूपिनेसं नःलि नाप लात । नलिं –‘का बाः नं एकाराम धकाः नां जक कया च्वंगु, थौं न्हिनय्, थ्याक्क थ्यंक झाल का !’ धाल । आग थे च्वंले धकाः न्यना, “बांलाःजू” धाल । 
 
 
बसन्तयात पिनें पीकाः जि व नःलि आइसियूस दुहां वना । १५गू मिनेटति हे नातिबज्र लिसे खँल्हाँबल्हा जुल । ‘का बाः न्हाच एकाराम दाइया नां कया च्वनागु मखुला, थ्यंक वल’ धकाः न्हिल । यक्व खँल्हाय् मास्ति वः खनी नातिदाइया, तर इलय् ब्यलय् खँ त्यामजी । मथूगु खँनःलिं हाकनं न्यनाः जितः थुइका बीगु यात । वय्कःया बुद्ध जीवनी सम्बन्धी किपा हना बाखं पिकाय्गु इच्छा कनादिल । नातिदाइ (नातिवज्र) या स्वास्थ्य सामान्य अवस्थाय् दुगु खँ अन दुगु भिडिओ मेशिन स्वयाः नःलिं धाल । नातिदाइयात पिने बसन्त दुहां वय्त पिया च्वंगु दु, छ्वया हय् धकाः पिहां वया । 
 
 
नातिबज्रयात वीर अस्पतालय् नाप लाव नागु छवाः लिपा पुष १९ गते बसन्त महर्जनं फेसबुकय् नातिबज्र मन्त धकाः पोष्ट याना तःगु न्हापां खना । पुष १८ गते बुधवाः मदुगु खनी । पोष्ट खने साथं सुथय् बसन्त महर्जनयात फोन याना । दगू बहालय् हया तःगु खँ न्यना । हथासं दगू बहालय् थ्यन । छचालिं नेपालभाषा प्रेमि, साहित्यकार, म्येहालामि, पत्रकार, गुथ्याःपिनिगु दथुइदिवंगतनातिबज्र। मनुतदयाः नं सन्नाताया परिदृश्य खनेदया च्वन । म्हाइपुगु दिं । शवयात्रा जुल । विदाइ याय्त वःपिं यक्व दु । जिनं भ्याचाद्यः थाय् तक वनाः दिवंगत नातिदाइयात दुःखद विदाइ याः वना ।
 
 
नातिबज्र मन्त । लुमन्ति धाःसा दनि । छम्ह नेपालभाषाया कवि, भाषासेवी, अलय् भाषा क्षेत्रय् छम्ह ‘इम्पे्रसिभ’ ब्यक्तित्व कथं वय्कःयात लुमंका च्वना ।