निःशुल्क चिकित्सालयया ६३ दँमुँज्या हन
नृपेन्द्रलाल श्रेष्ठ | सिल्लाथ्व त्रयोदशी ११४० (फ्रेअवरी ७ २०२०)
क्षत्रपाटी निःशुल्क चिकित्सालयया ६३ दँ मुँज्या येँ महानगरपालिकाया मेयर बिद्यासुन्दर शाक्यया मूपाहाँसुइ तःजिक क्वचाःगु दु ।
उगु ज्याझ्वलय् चिकित्सालयय् यात कुमारदेव मानन्धर स्वंगु लख, सुर्यमान सिंह बानियाँ व प्राणदेवि बानियाँ न्यागु लख व अमृतराज शाक्यं छगु लख आर्थिक ग्वाहालि यानादिगुलि मूपाहाँ मेयर शाक्यं दोसल्ला न्ययेका हनादिगु खः ।
अथेहे, उगु हे ज्याझ्वलय् श्यामबहादुर गुरुङ्गं छगु लख, ठमेल पर्यटन बोर्डया न्वकु गिता गुरुङ्ग न्यय् द्धः, मोनिका स्थापितपाखे झीन्याद्धः व रमेश श्रेष्ठं न्याद्धः तका ग्वाहालि यानादिगु खः ।
अथेतु, उगु ज्यााझ्वलय् निःशुल्क चिकित्सालय् नीदँ तक्क मदिक्क सेवा यानादिपि मिखाँ ल्वयु बिशेषज्ञ डा.केशवराज भट्टराई, बालरोगया बिशेषज्ञ डा. सरिता श्रेष्ठ (ताम्राकार), अनमी बिमला राजभण्डारी, हेल्पर चमेली गुरुङ्ग व हेल्पर कृष्ण महर्जनयात नगद नाप हनापौ येँ महानगरपालिकाया मेयर बिद्यासुन्दर शाक्य व उपमेयर हरिप्रभा श्रेष्ठ खड्गीं लल्हानादिगु खः ।
उगु ज्याझ्वलय् मेयर बिद्यासुन्दर शाक्य निःशुल्क चिकित्सालय् न ज्यायात प्रशांसा यानादिसे ये महानरगपालिका न सहकार्य याना वने तयार दु धयादिसे निःशुल्क चिकित्सालया न्हुगु भवण दयेकेगु लागि ग्वाहालि यायेगु बचं न बियादिगु खः ।
चिकित्सालयया नायः डा. मनोजमान श्रेष्ठया सभाधक्ष्यताय् जुगु खः । मेयर शाक्यं क्षत्रपाटी निःशुल्क चिकित्सालयया निरिक्षण न यानादिगु खः ।
