निक्वःगु धिन्ताल्ल सफू पितब्वज्या
लहनान्युज | कछलाथ्व दशमी ११३८ (नोभेम्वर १८ २०१८)
ख्यालि ध्याचू च्वमि रामशेखर नकःमिया लुमन्तिइ रामशेखर लुमन्ति दबू पिथनेगु ज्या ख्वपया लाय्कुलिइ होटल स्वीट होमय् जूगु दु ।
संस्थाया कजि गोविन्द मान श्रेष्ठया नायःसुइ प्रदिप शाक्यं ज्याझ्वः न्ह्याकादीगु खः ।
उगु ज्याझ्वलय् मूपाहाँ ख्यालि जुजु मदन कृष्ण श्रेष्ठं कुतः पिकाकः पाखें प्रकाशन जूगु धिन्ताल्ल सफूनं पितब्वज्या जूगु दु ।
नेपाल सम्बत ११३९ न्हूदँ व दबू पिदंगु लसताय् जूगु ज्याझ्वलय् तिलक प्रकाश कायस्थ, नरेन्द्र भक्त हाडा, राजेन्द्र मान शाक्य, कृष्ण भक्त बोडे, आशाकाजी थकुंलगायतपिन्सं भिन्तुना न्वचू तयादीगु खः ।
नुगःखँ तयेगु झ्वलय् रामशेखर दाइनं ‘ख्याली धैगु अजःगु जुइमा गुकिं सुइत ध्याचू नकूगु खः उकिं वइतःहे न्हिकेफत धाःसा जक ख्यालि पूवनी’ धयादीगु आशाकाजी थकुंनं न्ह्यथनादिल ।
बुखँ नेवाः सुचना केन्द्र किपा राजेन्द्र रंजित
Categorized in मनोरन्जन
